Starfsemin

Starfsemi Jóhanns Helga & Co fer að stórum hluta fram gegnum síma og tölvur. Að mestu er um pöntunarkerfi að ræða en algengustu vörur eru að jafnaði til á lager. Reikna má með 2-4 vikna afhendingarfresti á pöntunarvörum. 


Megin áhersla Jóhanns Helga & Co er að fólgin í því að geta boðið upp á heildarlausnir og lausnaleit fyrir viðskiptavinina.

• Meðal annars býður fyrirtækið upp á leik- og sportsvæði af ýmsum toga, s.s. innréttingar fyrir leikskóla og yngra stig grunnskóla og útileiktæki fyrir skóla, leikskóla og önnur leiksvæði.
• Flest fyrir sundlaugar, s.s. frauðleiktæki, rennibrautir, innréttingar o.fl.
• Útiæfingakerfi eins og til að mynda æfingastöðvar við göngustíga eða sundlaugar. Aðstöðu fyrir boltaíþróttir s.s. sparkvelli og körfuboltavelli.
• Girðingar, sæti o.fl fyrir íþróttaleikvanga.
• Aðstöðu fyrir jaðaríþróttir s.s. hjólabrettarampa. Einnig fjölmargt sem eykur á yndi fólks sem iðkar útivist, s.s borð og bekkir, skrúðgarðaskýli og fleira. 

Einnig býður fyrirtækið upp á heildarlausnir fyrir garða og torg, s.s sorptunnur, reiðhjólagrindur og –skýli, stubbahús, strætóskýli og fleira. Fjölbreytnin er því orðin mikil og enn bætist við. 



Nýjasta sportið sem Jóhann Helgi & Co hefur snúið sér að því að þjónusta, er hestasportið. Reyndar gagnast sú vörulína að sjálfsögðu fleirum en hestamönnum, s.s. bændum. 


Síðan bjóðum við sauðfjárbændur velkomna í viðskiptamannahópinn en þeir kaupa nú í stórum stíl hjá okkur plastefni í fjárhúsgólfin hjá sér.